انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 9 ـ ايدىڭ 12 ـ كۇنى قاشقاردان حابارلايدى. اۆتونوميالى رايوندىق پارتكومنىڭ باسشى كادرلار باس بولىپ يدەيا ـ ساياسي ساباعىن ٴوتۋ ورنالاستىرۋى بويىنشا، 9 ـ ايدىڭ 12 ـ كۇنى اۆتونوميالى رايوندىق پارتكومنىڭ شۋجيى ما شيڭرۇي قاشقار داشۋەسىنە كەلىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ىشكەرىلەي دايەكتىلەندىرۋدى، باس شۋجي شي جينپيڭنىڭ مەملەكەتتىك وقۋ ـ اعارتۋ جينالىسىندا سويلەگەن ماڭىزدى ٴسوزىنىڭ رۋحىن ۇيرەنۋدى، دايەكتىلەندىرۋدى، باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ۇيرەنۋدى، دايەكتىلەندىرۋدى ارقاۋ ەتىپ، نازاردى جوعارى مەكتەپتەردىڭ نەگىزگى شەپتىك رولىن شىن مانىندە ساۋلەلەندىرۋگە شوعىرلاندىرىپ، جۇڭحۋا ۇلتى ورتاق تۇلعا تانىمىن ناقتى، جاندى، ٴونىمدى تۇردە بەكەمدەۋ سىندى وسى نەگىزگى تاقىرىپتى ارقاۋ ەتىپ، ٴار ۇلت وقىتۋشى ـ وقۋشىلارىنا جۇيەلى، تەرەڭ، تارتىمدى دا اسەرلى يدەيا ـ ساياسي ساباعىن ٴوتتى.
ما شيڭرۇي بىلاي دەپ اتاپ كورسەتتى: پارتيا 18 ـ قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ”ەكىنى ۇشتاستىرۋعا“ تاباندى بولىپ، ”ەكى كەلەلى جاعدايدى“ كوزدەپ، ۇلت ماسەلەسىن شەشۋدىڭ جۇڭگوشا دۇرىس جولىن ونان ارى كەڭەيتىپ، باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن قالىپتاستىرىپ، ماركسيزمدىك ۇلت نازارياسىنىڭ جۇڭگوشالانۋىنىڭ، زامانالانۋىنىڭ جاڭا ٴورىسىن اشتى. باس شۋجي شي جينپيڭنىڭ ”جۇڭحۋا ۇلتى ورتاق تۇلعا تانىمىن بەكەمدەۋ _ جاڭا داۋىردەگى پارتيانىڭ ۇلت قىزمەتىنىڭ نەگىزگى جەلىسى ٴارى ۇلتتار وڭىرلەرىنىڭ ٴتۇرلى قىزمەتتەرىنىڭ نەگىزگى جەلىسى“ دەگەن كەلەلى تۇجىرىمدى ايقىن العا قويۋى جاڭا داۋىردەگى پارتيانىڭ ۇلت قىزمەتىن جانە ۇلتتار وڭىرلەرىنىڭ ٴتۇرلى قىزمەتتەرىن ويداعىداي ىستەۋدە باعدار بەلگىلەپ، جول نۇسقاۋ سىندى ماڭىزدى مانگە يە. ٴبىز باس شۋجي شي جينپيڭنىڭ جۇڭحۋا ۇلتى ورتاق تۇلعا تانىمىن بەكەمدەۋ جونىندەگى ماڭىزدى بايىمداۋلارىنىڭ باي مازمۇنىن، وزەكتى ٴمانىن ۇزدىكسىز جەتە ۇيرەنىپ، جەتە ٴتۇسىنىپ، جۇڭحۋا ۇلتى ورتاق تۇلعا تانىمىن بەكەمدەۋدىڭ ٴار ۇلتتىڭ ٴتۇبىرلى مۇددەسىن قورعاۋدىڭ تابيعي تالابى ەكەندىگىن، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ تابيعي تالابى ەكەندىگىن، تەرەزەسى تەڭ، ىنتىماقتى، قارايلاسىمدى، جاراسىمدى سوتسياليستىك ۇلت قاتىناسىن بەكەمدەۋدىڭ جانە دامىتۋدىڭ تابيعي تالابى ەكەندىگىن، پارتيانىڭ ۇلت قىزمەتىندە جاڭا جاعداي اشۋدىڭ تابيعي تالابى ەكەندىگىن ىشكەرىلەي تانىپ، وسى نەگىزگى جەلىنى مىقتاپ ارقاۋ ەتىپ، ودان تيتتەي دە اۋىتقىماي، شينجياڭنىڭ ٴتۇرلى قىزمەتتەرىن ىلگەرىلەتىپ، جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى قۇلشىنا قۇرۋىمىز كەرەك.
ما شيڭرۇي بىلاي دەپ باسا دارىپتەدى: شينجياڭ شەكاراداعى ۇلتتار ٴوڭىرى رەتىندە، جۇڭحۋا ۇلتى ورتاق تۇلعا تانىمىن بەكەمدەۋدى ٴتىپتى دە ىشكەرىلەي ۇيرەنۋى، ٴتىپتى دە جەتە ٴتۇسىنۋى، ٴتىپتى دە سانالىلىقپەن دايەكتىلەندىرۋى كەرەك. اسىرەسە، قالىڭ جاس وقۋشىلار جۇڭحۋا ۇلتى ورتاق تۇلعا تانىمىن بەكەمدەۋدەگى شەشۋشى قاۋىم رەتىندە، شينجياڭنىڭ جۇڭحۋا ۇلتى ورتاق تۇلعا تانىمىن بەكەمدەۋ قىزمەتىن ويداعىداي ىستەۋدىڭ ماڭىزدىلىعىن جانە قاجەتتىلىگىن تولىق تانىپ، ۇلتتار ىنتىماعىن قورعاۋدىڭ، قوعام ورنىقتىلىعىن جۇزەگە اسىرۋدىڭ، جوعارى ساپالى دامۋدى جەبەۋدىڭ جالىندى امالياتىنا بەلسەنە ات سالىسۋى كەرەك. ما شيڭرۇي جۇڭحۋا ۇلتى ورتاق تۇلعا تانىمىن بەكەمدەۋ امالياتى بارىسىنداعى كەلەلى ماسەلەلەردى توڭىرەكتەي كوپشىلىكپەن ىشكەرىلەي پىكىر اۋىستىردى.
ما شيڭرۇي بىلاي دەدى: شينجياڭ _ ەجەلدەن بەرى جۇڭگو تەرريتورياسىنىڭ ايرىلماس ٴبىر بولىگى، شينجياڭداعى ٴار ۇلت _ جۇڭحۋا ۇلتى شاڭىراعىنىڭ تامىرلاس مۇشەسى، شينجياڭداعى ٴار ۇلت مادەنيەتى _ جۇڭحۋا مادەنيەتىنىڭ قۇرامداس بولىگى. ٴسوز جوق، شينجياڭ جونىندەگى ٴبىر قىدىرۋ كەلەلى تاريحي ماسەلەلەردە سەرگەك بولۋ تانىمىن ساقتاپ، مەملەكەتتىڭ تۇتاستىعىن قورعاۋ، ۇلتتىق بولشەكتەۋشىلىككە قارسى تۇرۋ سياقتى كەلەلى ماسەلەلەردە تۇرعىمىز بەرىك، تۋىمىز ايقىن بولۋى، ٴتۇرلى قاتە يدەيالىق اعىمداردى باتىل تەجەۋىمىز كەرەك.
ما شيڭرۇي بىلاي دەدى: پارتيانىڭ باسشىلىعىندا تيانشان الابىندا وراسان زور وزگەرىستەر تۋىلىپ، جۇڭگوشا سوتسياليستىك ٴتۇزىمنىڭ كۇشتى شوعىرلاندىرىپ ۇلكەن ٴىس بىتىرەتىن ارتىقشىلىعى شينجياڭنىڭ ەكونوميكاسىنىڭ، قوعامىنىڭ دامۋىنا جانە ۇلتتار ىنتىماعىنا، العاباسارلىعىنا پارمەندى تىرەك ازىرلەپ، پارتيانىڭ ۇلت ساياساتى شينجياڭدا تابىستى امالياتقا اينالدى. پارتيا باسشىلىعىنىڭ جاڭا داۋىردەگى شينجياڭنىڭ ۇلت قىزمەتىن ويداعىداي ىستەۋدىڭ ٴتۇبىرلى ساياسي كەپىلى ەكەندىگىن جەتە تانىپ، ۇلت ماسەلەسىن شەشۋدىڭ جۇڭگوشا دۇرىس جولىمەن تاباندىلىقپەن ٴجۇرۋ كەرەك.
ما شيڭرۇي بىلاي دەدى: باس شۋجي شي جينپيڭ كورىكتى شينجياڭ قۇرۋدىڭ ايبىندى جوباسىن كەسكىندەپ، پارتيا ورتالىق كوميتەتى مەملەكەتتىڭ جالپى جاعدايىنداعى شينجياڭنىڭ ەرەكشە ماڭىزدى ستراتەگيالىق ورنىن بەلگىلەپ، ٴبىر قىدىرۋ كەلەلى قولداۋ ساياساتتارىن شىعارىپ، شينجياڭعا بۇرىن بولماعان دامۋ ورايىن جاراتتى. قازىر شينجياڭنىڭ ەرەكشەلىگىن جانە باسىمدىعىن ايگىلەيتىن وسىزاماندانعان كاسىپ سالاسى جۇيەسى جەدەل قالىپتاسۋدا، شينجياڭنىڭ جوعارى ساپالى دامۋ تەبىنى كۇشتى، ايقارا اشىلعان ەسىك بارعان سايىن كەڭەيۋدە، سالىستىرمالى تۇردە توماعا ـ تۇيىق ىشكى قۇرلىقتان سىرتقا ەسىك اشۋدىڭ الدىڭعى شەبىنە اينالۋدا. جاڭا جورىقتا شينجياڭنىڭ جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋدە ازىرلەگەن باسىمدىقتارىن، شارت ـ جاعدايلارىن جەتە تانىپ، كورىكتى شينجياڭ قۇرۋ سەنىمىن جانە بەكىمىن ۇزدىكسىز كۇشەيتۋ كەرەك.
ما شيڭرۇي بىلاي دەپ باسا دارىپتەدى: جوعارى مەكتەپتەر جۇڭحۋا ۇلتى ورتاق تۇلعا تانىمىن بەكەمدەۋدىڭ نەگىزگى شەبى رەتىندە، باس شۋجي شي جينپيڭنىڭ مەملەكەتتىك وقۋ ـ اعارتۋ جينالىسىندا سويلەگەن ماڭىزدى ٴسوزىنىڭ رۋحىن ۇزدىكسىز ىشكەرىلەي ۇيرەنىپ، دايەكتىلەندىرىپ، ٴمورال ارقىلى تاربيەلەۋ ٴتۇبىرلى مىندەتىن مىقتاپ ارقاۋ ەتىپ، جۇڭحۋا ۇلتى ورتاق تۇلعا تانىمىن بەكەمدەۋدى شىن مانىندە وقىتۋ جۇرگىزىپ، مەكتەپ باسقارۋدىڭ، ٴبىلىم بەرىپ ادام تاربيەلەۋدىڭ تۇتاس بارىسىمەن، ٴارقايسى جاعىمەن توعىستىرۋى كەرەك. شي جينپيڭ جاڭا ٴداۋىر جۇڭگوشا سوتسياليزم يدەياسىمەن قاجىماي ـ تالماي رۋح سومداپ، ادام تاربيەلەپ، جاڭا داۋىردەگى ٴمورال ارقىلى تاربيەلەۋ ينجەنەرياسىن اتقارىپ، جاڭا داۋىردەگى مەكتەپتەردىڭ يدەيا ـ ساياسي تاربيەسىن كۇشەيتىپ جانە جاقسارتىپ، جۇڭحۋا ۇلتى ورتاق تۇلعا تاربيەسىنە قاتىستى ساباقتاردى ويداعىداي اشۋ كەرەك. جاستار مەن ورەندەردىڭ ”نەگىز قالاۋ“ ينجەنەرياسىن ىشكەرىلەي اتقارىپ، جۇڭحۋا ۇلتى تاريحى جانە جۇڭحۋا مادەنيەتى تاربيەسى وقىتۋىن كۇشەيتىپ، مەملەكەتتە ٴبىر تۇتاس قولدانىلاتىن ٴتىل ـ جازۋ جاعىنداعى وقىتۋدى، زەرتتەۋدى، ونىڭ قولدانىلۋىن ىشكەرىلەي كەڭەيتۋدى ىلگەرىلەتىپ، ٴار ۇلت وقۋشىلارىنىڭ ”بەستى شىنايى مويىنداۋىن“ ونان ارى كۇشەيتۋ كەرەك. جۇڭحۋا ۇلتى ورتاق تۇلعاسىنا قاتىستى كەلەلى نەگىزدىك سيپاتتى ماسەلەلەر زەرتتەۋىن تەرەڭدەتىپ، شينجياڭنىڭ ٴىس جۇزىندىگىن تياناق ەتىپ ٴبىر توپ جوعارى ساپالى ٴتول جاسامپازدىق نازاريا جەتىستىكتەرىن ۇسىنۋ كەرەك. اعارتۋشىلار رۋحىمەن رۋح سومداپ، وقىتۋشىلار قوسىنىن كۇشەيتۋ ارەكەتىن اتقارىپ، جاڭا داۋىردەگى جوعارى دەڭگەيدەگى وقىتۋشىلار قوسىنىن جەتىلدىرىپ، تۇلعالاپ، وقۋشىلاردىڭ ەرجەتۋىندەگى، جارامدى ادام بولۋىنداعى جاقسى جول باستاۋشى بولۋ كەرەك. يدەولوگيا قىزمەتى جاۋاپكەرشىلىك ٴتۇزىمىن قاتاڭ تياناقتاندىرىپ، مەكتەپ پارتيا ۇيىمىنىڭ نەگىزگى تۇلعالىق جاۋاپكەرشىلىگىن ناقتىلاندىرىپ، وقۋ ـ اعارتۋ شەبىنىڭ يدەولوگيا حاۋىپسىزدىگىنە شىنايى كەپىلدىك ەتۋ كەرەك.
ما شيڭرۇي قالىڭ جاستار مەن وقۋشىلاردان مىنانى ٴۇمىت ەتتى: ۇلتتار ىنتىماعى _ شينجياڭداعى ٴار ۇلت حالقىنىڭ جان تامىرى، شينجياڭ ٴوڭىرىنىڭ تاريحىن، اسىرەسە، ۇلتتاردىڭ دامۋ تاريحىن مۇقيات ۇيرەنىپ، دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ٴدىن كوزقاراسىن بەرىك ورناتىپ، كۇندەلىكتى ۇيرەنۋدە جانە تۇرمىستا كەڭىنەن ارالاسىپ، جاپپاي ىشتەسىپ، تەرەڭدەي توعىسىپ، اناردىڭ دانىندەي تىعىز ۇيىسىپ، امالياتتىق ارەكەتتەرىڭمەن ۇلتتار ىنتىماعىن قورعاپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە جاستىق كۇش ـ قۋاتتارىڭدى ارناڭدار.
ۋاڭ جيانشين، اۆتونوميالى رايوننىڭ قاتىستى تاراۋلارىنداعى جانە ورىندارىنداعى، قاشقار ايماعىنداعى قاتىستى جاۋاپتى جولداستار، قاشقار داشۋەسىندەگى وقىتۋشى ـ وقۋشىلار ۋاكىلدەرى، قاشقار ايماعىنداعى جوعارى، ورتا تەحنيكۋم مەكتەپتەرىنىڭ جانە ٴىشىنارا ورتا مەكتەپتەردىڭ يدەيا ـ ساياسي ساباعى وقىتۋشىلارى قيمىلعا قاتىناستى.
ساباق اياقتاعاننان كەيىن، ما شيڭرۇي سول جەردىڭ وزىندە قاشقار داشۋەسى جاڭا مەكتەپ رايونى قۇرىلىسى قىزمەتىنە تەكسەرۋ ـ زەرتتەۋ جۇرگىزىپ، مەكتەپ قۇرىلىسى، دامۋى جانە وقىتۋدى باسقارۋ قىزمەتى جونىندەگى تانىستىرۋىن تىڭدادى، قاتىستى جاۋاپتى جولداستارعا جوعارى ساپالى، جوعارى ولشەمدى بولۋعا تاباندى بولىپ، مەكتەپ اۋلاسى جوسپارى جوباسى، قۇرىلىس جۇرگىزۋ، باسقارۋ، جۇمىس جۇرگىزۋ سياقتى قىزمەتتەردى ٴبىر تۇتاس جوسپارلاپ عىلمي ىلگەرىلەتىپ، جوعارى دەڭگەيدەگى وسىزاماندانعان مەكتەپ رايونىن قۇلشىنا تۇلعالاۋدى تاپسىردى. وقۋ ـ اعارتۋ رەفورماسى ورنالاستىرۋىن تياناقتاندىرىپ، جوعارى مەكتەپتەردى باسقارۋ جۇيەسى جانە باسقارۋ قابىلەتى قۇرىلىسىن تەرەڭدەتىپ، نازاردى وڭىرلىك ەكونوميكانىڭ، قوعامنىڭ جانە ٴتۇيىندى كاسىپ سالاسىنىڭ دامۋ شۇعىل قاجەتىنە شوعىرلاندىرىپ، وقىتۋ جۇرگىزۋ، مەكتەپ باسقارۋ ساپاسىن جانە وقۋ ـ وقىتۋ دەڭگەيىن ۇزدىكسىز جوعارىلاتىپ، وڭتۇستىك شينجياڭنىڭ جوعارى ساپالى دامۋىنىڭ تىرەكتىك كۇشىن، ۇلەس قوسۋ كۇشىن ٴونىمدى كۇشەيتۋ كەرەك.
