انار بۇلت \ شينجياڭ گازەتىنىڭ ٴتىلشىسى جاڭ لەي 9 ـ ايدىڭ 12 ـ كۇنى ۇرىمجىدەن حابارلايدى. 9 ـ ايدىڭ 12 ـ كۇنى اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتى 37 ـ رەتكى مەڭگەرۋشىلەر ٴماجىلىسىن وتكىزدى. ٴماجىلىس اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتىنىڭ 14 ـ ٴماجىلىسىن 9 ـ ايدىڭ 25 ـ كۇنىنەن 27 ـ كۇنىنە دەيىن ۇرىمجىدە اشۋدى ۇيعاردى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل ٴماجىلىستى باسقاردى.
ٴماجىلىس اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتى 14 ـ ٴماجىلىسىنىڭ كەڭەستىك ٴتارتىپ جوباسىن قارادى. مەڭگەرۋشىلەر ٴماجىلىسى ۇسىنعان كەڭەستىك تاقىرىپتارعا ساي، تۇراقتى كوميتەتتىڭ 14 ـ ٴماجىلىسى اۆتونوميالى رايوندىق 10 ـ كەزەكتى پارتكوم ون ەكىنشى جالپى ٴماجىلىسىنىڭ رۋحىن ۇيرەنەدى، دايەكتىلەندىرەدى؛ اۆتونوميالى رايوننىڭ ساپانى جەبەۋ ەرەجەسى جوباسىنىڭ وزگەرىس ەنگىزىلگەن نۇسقاسىن، اۆتونوميالى رايوننىڭ حالىقتىق جارىلعىش زاتتار حاۋىپسىزدىگىن باسقارۋ ەرەجەسى جوباسىنىڭ وزگەرىس ەنگىزىلگەن نۇسقاسىن، اۆتونوميالى رايوننىڭ ەسىرتكىگە تيىم سالۋ ەرەجەسى جوباسىنىڭ وزگەرىس ەنگىزىلگەن نۇسقاسىن قارايدى؛ اۆتونوميالى رايوندىق حالىق ۇكىمەتى قاراۋعا ۇسىنعان اۆتونوميالى رايوننىڭ قايشىلىقتاردى، داۋ ـ شارلاردى كوپ نەگىزدى شەشۋ ەرەجەسى جوباسىن، اۆتونوميالى رايوننىڭ شەكارا وتكەلدەرىنىڭ ەكونوميكالىق دامۋىن جەبەۋ ەرەجەسى جوباسىن، اۆتونوميالى رايوننىڭ قۇمايتتانۋدان ساقتانۋ، قۇمدى تىزگىندەۋ زاڭىن اتقارۋ ادىسىنە وزگەرىس ەنگىزۋ جوباسى جونىندەگى كەڭەستىك جوباسىن، اۆتونوميالى رايوندىق حالىق قۇرىلتايى تۇراقتى كوميتەتى مەڭگەرۋشىلەر ٴماجىلىسى قاراۋعا ۇسىنعان اۆتونوميالى رايوندىق حالىق قۇرىلتايى تۇراقتى كوميتەتىنىڭ ٴىشىنارا قالاشىقتاردىڭ كەزەك اۋىستىرۋ سايلاۋ ۋاقىتىن تەڭشەۋ تۋرالى قاۋلى جوباسى جونىندەگى كەڭەستىك جوبانى، اۆتونوميالى رايوندىق حالىق قۇرىلتايى زاڭ ـ ٴتۇزىم كوميتەتى قاراۋعا ۇسىنعان اۆتونوميالى رايوننىڭ ٴار دارەجەلى حالىق قۇرىلتايى تۇراقتى كوميتەتتەرىنىڭ ولشەمدى حۇجاتتاردى ەستەلىككە الۋ، تەكسەرۋ ەرەجەسىنە وزگەرىس ەنگىزۋ جوباسىن، كۇشىنەن قالدىرۋعا ۇسىنعان «شينجياڭ ۇيعۇر اۆتونوميالى رايوندىق حالىق قۇرىلتايى تۇراقتى كوميتەتىنىڭ ›جۇڭحۋا حالىق رەسپۋبليكاسى جاراتىلىستىق قورىق ەرەجەسىمەن> بىرلىككە كەلمەگەن جەرگىلىكتى زاڭ ەرەجەلەر مەن جەكە ەرەجەلەردەگى قاتىستى تارماقتاردى قولدانۋدان قالدىرۋ جونىندەگى قاۋلىنىڭ» كەڭەستىك جوباسىن، اۆتونوميالى رايوندىق حالىق قۇرىلتايىنىڭ باقىلاۋ ـ تەكسەرۋ جانە ٴادىليا كوميتەتى كۇشىنەن قالدىرۋعا ۇسىنعان «شينجياڭ ۇيعۇر اۆتونوميالى رايونىنىڭ ٴار دارەجەلى حالىق قۇرىلتايى تۇراقتى كوميتەتتەرىنىڭ ٴادىليا قىزمەتىن باقىلاۋ ەرەجەسى» سياقتى جەرگىلىكتى 8 زاڭ ـ ەرەجەنىڭ، قاراردىڭ، قاۋلىنىڭ كەڭەستىك جوباسىن، اۆتونوميالى رايوندىق حالىق قۇرىلتايىنىڭ وقۋ ـ اعارتۋ، عىلىم، مادەنيەت، دەنساۋلىق ساقتاۋ كوميتەتى قاراۋعا ۇسىنعان اۆتونوميالى رايوننىڭ ارحيۆ زاڭىن اتقارۋ ادىسىنە وزگەرىس ەنگىزۋ جوباسىنىڭ كەڭەستىك جوباسىن قارايدى؛ بەكىتۋگە ۇسىنعان ٴۇرىمجى قالاسىنىڭ رەليستى قاتىناس باسقارۋ ەرەجەسىن، ىلە وبلىسىنىڭ اۋىز سۋ قاينارىن قورعاۋ ەرەجەسىن، قارامايلى قالاسىنىڭ قالا باقشاسى الاڭىن باسقارۋ ەرەجەسىن، بۇراتالا وبلىسىنىڭ كۇتىنۋ ساياحاتىن جەبەۋ ەرەجەسىن، تۇرپان قالالىق حالىق قۇرىلتايى تۇراقتى كوميتەتىنىڭ «تۇرپان قالاسىنىڭ جەرگىلىكتى زاڭ ەرەجەلەردى جاساۋ ەرەجەسىنە» وزگەرىس ەنگىزۋ جونىندەگى قاۋلىسىن، بايىنعولين وبلىسىنىڭ قالا ـ قالاشىق تۇرعىندارى تۇرعىن ٴۇي اۋماعىنىڭ ٴورت ٴسوندىرۋ، ورتتەن ساقتانۋ حاۋىپسىزدىگىن باسقارۋ بەلگىلەمەسى جونىندەگى كەڭەستىك جوباسىن تەكسەرىپ بەكىتەدى؛ اۆتونوميالى رايوندىق حالىق ۇكىمەتىنىڭ 2023 ـ جىلعى اۆتونوميالى رايوننىڭ مەملەكەت مەنشىگىندەگى مال ـ مۇلىكتى باسقارۋ جاعدايى جونىندەگى جالپىلىق بايانداماسىن (جازباشا) قارايدى؛ اۆتونوميالى رايوندىق حالىق ۇكىمەتىنىڭ 2023 ـ جىلعى اۆتونوميالى رايوننىڭ اكىمشىلىك ىستەر سيپاتتى مەملەكەت مەنشىگىندەگى مال ـ مۇلىكتى باسقارۋ جاعدايى جونىندەگى ارناۋلى بايانداماسىن، اۆتونوميالى رايوندىق حالىق قۇرىلتايى تۇراقتى كوميتەتى كوزدەن كەشىرۋ گرۋپپاسىنىڭ اۆتونوميالى رايوننىڭ ۇشقارىلىقتى الاستاۋ ەرەجەسى جونىندەگى زاڭنىڭ اتقارىلۋىن تەكسەرۋ مالىمەتىن قاراۋ پىكىرىنىڭ تياناقتانۋ جاعدايىن قاداعالاپ باقىلاۋ جونىندەگى كوزدەن كەشىرۋ بايانداماسىن، اۆتونوميالى رايوندىق حالىق قۇرىلتايى تۇراقتى كوميتەتى زاڭ اتقارۋدى تەكسەرۋ گرۋپپاسىنىڭ قورشاعان ورتانى قورعاۋ زاڭى مەن اۆتونوميالى رايوننىڭ قورشاعان ورتانى قورعاۋ ەرەجەسىنىڭ اتقارىلۋ جاعدايىن باستى مازمۇن ەتكەن 2024 ـ جىلعى مەملەكەتتىك ەكولوگيا كۇنى بويىنشا زاڭنىڭ اتقارىلۋىن تەكسەرۋ جاعدايى جونىندەگى بايانداماسىن، ٴوندىرىس حاۋىپسىزدىگى زاڭى مەن اۆتونوميالى رايوننىڭ ٴوندىرىس حاۋىپسىزدىگى ەرەجەسىنىڭ اتقارىلۋ جاعدايىن تەكسەرۋ جونىندەگى بايانداماسىن، اۆتونوميالى رايوندىق حالىق قۇرىلتايى قازىنا ـ ەكونوميكا كوميتەتىنىڭ، اۋىل شارۋاشىلىعى جانە اۋىل ـ قىستاق كوميتەتىنىڭ، قورشاعان ورتا جانە بايلىق قورعاۋ كوميتەتىنىڭ جەكە ـ جەكە اۆتونوميالى رايوندىق 14 ـ كەزەكتى حالىق قۇرىلتايى 2 ـ ٴماجىلىسىنىڭ ٴتوراعالار القاسى قاراۋعا تاپسىرعان ۋاكىلدەر ورتاعا قويعان كەڭەستىك جوبالاردى قاراۋ ناتيجەسى جونىندەگى بايانداماسىن، اۆتونوميالى رايوندىق مادەنيەت جانە ساياحات مەڭگەرمەسىنىڭ اۆتونوميالى رايوندىق 14 ـ كەزەكتى حالىق قۇرىلتايى 2 ـ ماجىلىسىندە ۋاكىلدەر العا قويعان ۇسىنىستاردىڭ، سىنداردىڭ جانە پىكىرلەردىڭ ٴبىتىرىلۋ جاعدايى جونىندەگى بايانداماسىن، اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتى ۋاكىلدەردىڭ تولىمدىلىعىن تەكسەرۋ كوميتەتىنىڭ ٴىشىنارا ۋاكىلدەردىڭ ۋاكىلدىك تولىمدىلىعى جونىندەگى بايانداماسىن تىڭدايدى جانە قارايدى؛ كادرلاردى مىندەتكە تاعايىنداۋ، مىندەتىنەن قالدىرۋ ىستەرىن قارايدى.
ٴماجىلىس تاعى باسقا دا كەڭەستىك تاقىرىپتاردى قارادى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى لي نيڭپيڭ، توحتى ياقۇپ، ٴدىلشات قىدىرقان، پيڭ شينلاي، باس حاتشى ٴمۇتالىپ روزى ماجىلىسكە قاتىناستى.
