انار بۇلت \ شينجياڭ گازەتىنىڭ ٴتىلشىسى تويا 6 ـ ايدىڭ 26 ـ كۇنى ۇرىمجىدەن حابارلايدى. 2024 ـ جىلعى جىبەك جولى ساۋدا ـ ونەركاسىپتى دامىتۋ بۇكپەسىز اڭگىمە ٴماجىلىسى 6 ـ ايدىڭ 26 ـ كۇنى ۇرىمجىدە وتكىزىلدى. مەملەكەتتىك ساۋدا ـ ونەركاسىپشىلەر بىرلەستىگىنىڭ ورىنباسار ٴتوراعاسى چيۋ شياۋپيڭ، اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ٴتوراعاسى ٴيۇسۇپجان مامەت ماجىلىسكە قاتىناستى ٴارى ارناۋ ٴسوز سويلەدى.
چيۋ شياۋپيڭ بىلاي دەدى: شينجياڭ _ ازيا _ ەۆروپا التىن ارناسى جانە جۇڭگونىڭ باتىسقا ەسىك اشۋىنداعى الدىڭعى شەپ، قالىڭ جۇڭگو _ شەتەل كاسىپورىندارىنىڭ شينجياڭنىڭ جاڭالىق اشا دامۋىنىڭ، ەسىك اشا دامۋىنىڭ تاريحي ورايىن ىرىقتى تۇردە يگەرىپ، شينجياڭعا كەلىپ بەلسەندى قارجى قوسىپ، شارۋاشىلىعىن شالقىتۋىن ٴۇمىت ەتەمىن.
ٴيۇسۇپجان مامەت بىلاي دەدى: شينجياڭ جوعارى ساپالى دامۋدىڭ ماڭىزدى ستراتەگيالىق وراي مەزگىلىندە تۇر، ”سەگىز ٴىرى كاسىپ سالاسى شوعىرىن“ قۇرۋدى جەدەلدەتىپ، شينجياڭ ەرەكشەلىگى مەن باسىمدىعىن ايگىلەيتىن وسىزاماندانعان كاسىپ سالاسى جۇيەسىن كۇش سالا ورناتۋدا. بۇل جولعى بۇكپەسىز اڭگىمە ٴماجىلىسىن وراي ەتىپ، ٴار جاقپەن اۋىس ـ كۇيىستى، سەلبەستىكتى تەرەڭدەتىپ، دامۋ ورايى مەن جەتىستىكتەرىنەن تەڭ يگىلىكتەنۋدى ٴۇمىت ەتەمىن.
جۇڭگو حالىقارالىق ساۋدانى جەبەۋ كوميتەتىنىڭ ورىنباسار باستىعى چىن جيان ـ ان، لاوس ەنەرگيا، كەن مينيسترلىگىنىڭ ورىنباسار مينيسترى جاساۋىن بانگۇڭ، ازەربايجاننىڭ جۇڭگوداعى باس ەلشىحاناسىنىڭ ساۋدا ىستەرى ۋاكىلى، توتەنشە جانە وكىلەتتى كىشى ەلشىسى تيمۋر ناديروگلۇ ماجىلىسكە قاتىناستى ٴارى ارناۋ ٴسوز سويلەدى. جۇڭگو مينشىڭ بانكەسىنىڭ باس ەكونوميستى، قوسىمشا زەرتتەۋ ورنىنىڭ باستىعى ۋىن بين ارقاۋ ٴسوز سويلەدى؛ ەرەكشە ترانسفورماتور شەكتى جارنا سەرىكتەستىگى، بۇكىل شياڭگاڭ ٴارقايسى رايوندارىنداعى ساۋدا ـ ونەركاسىپشىلەر بىرلەستىگى سياقتى كاسىپورىنشىلاردىڭ، ساۋدا قوعامدارىنىڭ ۋاكىلدەرى سوزگە شىقتى؛ جۇڭگو (شينجياڭ) ەركىن ساۋدا سىناق رايونىنىڭ ٴۇرىمجى، قاشقار، قورعاس اۋماقتارى قارجى قوسۋ جونىندە تانىستىرۋ جاسادى.
شينجياڭ ٴوندىرىس ـ قۇرىلىس بيڭتۋانى پارتكومىنىڭ تۇراقتى مۇشەسى، ورىنباسار جىڭۋي ليۋ شينجيان ماجىلىسكە قاتىناستى.
