جاۋاپ حات
جيڭنيڭ شىزۋ اۆتونوميالى اۋدانىنداعى ٴار ۇلت كادر ـ بۇقاراسىنا:
جيڭنيڭ اۋدانى قۇرىلعاندىعىنىڭ 40 جىلدىعى بايلانىسىمەن قىزۋ قۇتتىقتايتىندىعىمدى بىلدىرەمىن.
40 جىلدان بەرى جيڭنيڭ اۋدانى ۇلتتار ىنتىماعى، ەرەكشەلىككە يە دامۋ سياقتى جاقتاردا قۋانارلىق ناتيجەلەرگە قول جەتكىزدى، ٴار ۇلت حالقىنىڭ تۇرمىسى بارعان سايىن شالقىدى، مەن بۇعان ايرىقشا قۋاندىم.
جاڭا جورىقتا بۇكىل اۋدانداعى ٴار ۇلت كادر ـ بۇقاراسىنىڭ پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تاڭداۋلى ٴداستۇردى ۇزدىكسىز اسقاقتاتىپ، ۇلتتار ىنتىماعىن نىعايتىپ، وزگەشە باسىمدىقتى ساۋلەلەندىرىپ، ۇلتتار وڭىرلەرىنىڭ جوعارى ساپالى دامۋى مەن بىرگە بايۋىن بەلسەنە ىلگەرىلەتىپ، جۇڭگو ۇلگىسىندەگى وسىزامانداندىرۋ ۇردىسىندە شىزۋ اۋىلى جيڭنيڭنىڭ دامۋ جاڭا تاراۋىن جازۋىن ٴۇمىت ەتەمىن.
شي جينپيڭ
2024 ـ جىلى 6 ـ ايدىڭ 25 ـ كۇنى
(شينحۋا اگەنتتىگىنىڭ 6 ـ ايدىڭ 26 ـ كۇنى بەيجيڭنەن بەرگەن حابارى)
شينحۋا اگەنتتىگىنىڭ 6 ـ ايدىڭ 26 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ تاياۋدا جىجياڭ ولكەسى ليشۇي قالاسى جيڭنيڭ شىزۋ اۆتونوميالى اۋدانىنداعى ٴار ۇلت كادر ـ بۇقاراسىنا جاۋاپ حات قايتارىپ، جيڭنيڭ اۋدانى قۇرىلعاندىعىنىڭ 40 جىلدىعىن قىزۋ قۇتتىقتاپ، جيڭنيڭنىڭ دامۋىنا شىنايى ٴۇمىت ارتتى.
شي جينپيڭ جاۋاپ حاتىندا بىلاي دەدى: 40 جىلدان بەرى جيڭنيڭ اۋدانى ۇلتتار ىنتىماعى، ەرەكشەلىككە يە دامۋ سياقتى جاقتاردا قۋانارلىق ناتيجەلەرگە قول جەتكىزدى، ٴار ۇلت حالقىنىڭ تۇرمىسى بارعان سايىن شالقىدى، مەن بۇعان ايرىقشا قۋاندىم.
شي جينپيڭ بىلاي دەپ باسا دارىپتەدى: جاڭا جورىقتا بۇكىل اۋدانداعى ٴار ۇلت كادر ـ بۇقاراسىنىڭ پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تاڭداۋلى ٴداستۇردى ۇزدىكسىز اسقاقتاتىپ، ۇلتتار ىنتىماعىن نىعايتىپ، وزگەشە باسىمدىقتى ساۋلەلەندىرىپ، ۇلتتار وڭىرلەرىنىڭ جوعارى ساپالى دامۋى مەن بىرگە بايۋىن بەلسەنە ىلگەرىلەتىپ، جۇڭگو ۇلگىسىندەگى وسىزامانداندىرۋ ۇردىسىندە شىزۋ اۋىلى جيڭنيڭنىڭ دامۋ جاڭا تاراۋىن جازۋىن ٴۇمىت ەتەمىن.
جيڭنيڭ شىزۋ اۆتونوميالى اۋدانى 1984 ـ جىلى قۇرىلعان، بۇكىل ەلدەگى بىردەن ـ ٴبىر شىزۋ اۆتونوميالى اۋدانى. باس شۋجي شي جينپيڭ جىجياڭدا قىزمەت ىستەگەن كەزىندە، جيڭنيڭدى نەگىزگى ساتى قىزمەتىنىڭ بايلانىس ٴتۇيىنى ەتكەن، ورتالىققا بارىپ قىزمەت ىستەگەننەن كەيىن جيڭنيڭنىڭ دامۋى جونىندە كوپ رەت ماڭىزدى نۇسقاۋ بەرىپ، بەكىتۋ جازعان. تاياۋدا جيڭنيڭ اۋداندىق پارتكوم، اۋداندىق ۇكىمەت بۇكىل اۋدانداعى ٴار ۇلت كادر ـ بۇقاراسى اتىنان باس شۋجيگە حات جازىپ، اۋدان قۇرىلعان 40 جىلدا، اسىرەسە، جاڭا داۋىردەن بەرى ٴتۇرلى ىستەردە قول جەتكىزگەن ناتيجەلەرىنەن مالىمەت بەرىپ، العىس ايتا ەكپىندەي ىلگەرىلەپ، ۇلتتار وڭىرلەرىنىڭ بىرگە بايۋىندا الدىمەن ۇلگى كورسەتۋشى بولۋعا ۇمتىلىس جاساۋ بەكىمىن ٴبىلدىردى.
