6 ـ ايدىڭ 26 ـ كۇنى ”جىبەك جولىنىڭ جاڭا ورايى، ازيا _ ەۆروپانىڭ جاڭا ومىرشەڭدىگى“ نەگىزگى تاقىرىبىنداعى 8 ـ كەزەكتى جۇڭگو _ ازيا _ ەۆروپا كورمەسى شينجياڭ حالىقارالىق ٴماجىلىس ـ كورمە ورتالىعىندا اشىلدى. □ سۋرەتتى انار بۇلت \ شينجياڭ گازەتىنىڭ ٴتىلشىسى شيە لۇڭ تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 6 ـ ايدىڭ 26 ـ كۇنى ۇرىمجىدەن حابارلايدى. 6 ـ ايدىڭ 26 ـ كۇنى تۇستەن بۇرىن ”جىبەك جولىنىڭ جاڭا ورايى، ازيا _ ەۆروپانىڭ جاڭا ومىرشەڭدىگى“ نەگىزگى تاقىرىبىنداعى 8 ـ كەزەكتى جۇڭگو _ ازيا _ ەۆروپا كورمەسى شينجياڭ حالىقارالىق ٴماجىلىس ـ كورمە ورتالىعىندا اشىلدى.
قىرعىزستان زۇڭليى ا. جاپاروۆ، وزبەكستان زۇڭليى اريپوۆ، تاجىكستاننىڭ ٴبىرىنشى ورىنباسار زۇڭليى حوليكزودا، قازاقستاننىڭ ورىنباسار زۇڭليى جۇمانعارين قيمىلعا قاتىناستى ٴارى ارناۋ ٴسوز سويلەدى. قىرعىزستاننىڭ ورىنباسار زۇڭليى توروبايەۆ قيمىلعا قاتىناستى.
اۆتونوميالى رايوندىق پارتكومنىڭ شۋجيى ما شيڭرۇي قارسى الۋ ٴسوزىن سويلەدى. مەملەكەتتىك ساياسي كەڭەستىڭ ورىنباسار ٴتوراعاسى، مەملەكەتتىك ساۋدا ـ ونەركاسىپشىلەر بىرلەستىگىنىڭ ٴتوراعاسى گاۋ يۇنلۇڭ ارناۋ ٴسوز سويلەدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز اشىلۋ سالتىن باسقاردى. شاڭحاي قالاسىنىڭ باستىعى گۇڭ جىڭ، شانشي ولكەسىنىڭ باستىعى جاۋ گاڭ، تيانجين قالالىق ساياسي كەڭەستىڭ ٴتوراعاسى ۋاڭ چاڭسۇڭ، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل، اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي قاتارلىلار قيمىلعا قاتىناستى.
ما شيڭرۇي جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتى، اۆتونوميالى رايوندىق حالىق ۇكىمەتى، شينجياڭ ٴوندىرىس ـ قۇرىلىس بيڭتۋانى جانە شينجياڭداعى ٴار ۇلت حالقى اتىنان كورمەگە قاتىناسقان جۇڭگولىق، شەتەلدىك سيلى قوناقتاردى، ٴار سالاداعى دوستاردى قىزۋ قارسى الاتىندىعىن ٴبىلدىردى. ما شيڭرۇي مىنالاردى ٴبىلدىردى: ازيا _ ەۆروپا قۇرلىعى دامۋ ومىرشەڭدىك كۇشى مەن كومەسكى كۇشىنە تولى. جۇڭگو _ ورتا ازيا باسشىلار ماجىلىسىندە، 3 ـ كەزەكتى ”ٴبىر بەلدەۋ، ٴبىر جول“ حالىقارالىق سەلبەستىك جوعارى دارەجەلىلەر تالقى مىنبەرىندە ٴتوراعا شي جينپيڭ ماڭىزدى ٴسوز سويلەپ، ٴار ەل ٴبىر قىدىرۋ ورتاق تانىم قالىپتاستىرىپ، ازيا مەن ەۆروپانىڭ جان ـ جاقتى سەلبەستىگىنە جاڭا ومىرشەڭدىك كۇش قوستى، جاڭا كەڭىستىك اشتى. شينجياڭ _ جۇڭگونىڭ باتىسقا ەسىك اشۋداعى ماڭىزدى قاقپاسى. ٴبىز نازاردى ازيا _ ەۆروپا التىن ارناسى مەن باتىسقا ەسىك اشۋ الدىڭعى شەبىن تۇلعالاۋ ستراتەگيالىق ورنىنا شوعىرلاندىرىپ، ”ٴبىر بەلدەۋ، ٴبىر جولدى“ بىرگە قۇرۋعا تەرەڭ توعىسىپ، جوعارى دەڭگەيدە ەسىك اشۋدى ٴۇرتىس كەڭەيتىپ، اشىق دامۋ تەبىندى جاعدايىن تولىق ايگىلەدىك. جۇڭگونىڭ شينجياڭى دامۋدىڭ ماڭىزدى ستراتەگيالىق وراي مەزگىلىندە تۇر. ٴبىز جۇڭگو _ ازيا _ ەۆروپا كورمەسى سىندى ەسىك اشۋ تۇعىرىنا سۇيەنىپ، جىبەك جولى رۋحىن بار كۇشپەن اسقاقتاتىپ، اناعۇرلىم زور كولەمدەگى، اناعۇرلىم كەڭ سالاداعى، اناعۇرلىم تەرەڭ قاتپارلى سىرتقا ەسىك اشۋدى ىلگەرىلەتىپ، جۇڭگونىڭ ازيا _ ەۆروپا ەلدەرىمەن بىرگە دامۋىنا شينجياڭ ۇلەسىن قوسامىز. ٴبىز قول ۇستاسىپ، اشىق دامۋدىڭ جاڭا ورايىنان بىرگە يگىلىكتەنىپ، ازيا _ ەۆروپا سەلبەستىگىنىڭ جاڭا ٴورىسىن بىرگە كەڭەيتىپ، گۇلدەنىپ ـ كوركەيۋدىڭ، دامۋدىڭ جاڭا بولاشاعىن بىرگە جاراتايىق!
گاۋ يۇنلۇڭ جۇڭگو ۇكىمەتى اتىنان كورمەنىڭ اشىلعاندىعىن قىزۋ قۇتتىقتايتىندىعىن ٴبىلدىردى. ول مىنالاردى ٴبىلدىردى: ازيا _ ەۆروپا قۇرلىعى _ ”ٴبىر بەلدەۋ، ٴبىر جولدى“ بىرگە قۇراتىن حالىقارالىق سەلبەستىكتىڭ ٴتۇيىندى ٴوڭىرى، جۇڭگو _ ازيا _ ەۆروپا كورمەسى ازيا _ ەۆروپا ەلدەرىنىڭ ەكونوميكا ـ ساۋدا سەلبەستىگىن ورىستەتۋدەگى ماڭىزدى ارناعا اينالدى. ”ٴبىر بەلدەۋ، ٴبىر جولدى“ بىرگە قۇرۋ باستاماسى ورتاعا قويىلعاننان بەرى جۇڭگو باستان ـ اياق ازيا _ ەۆروپا ەلدەرىمەن ٴوزارا سۇيەنىش بولىپ، اعايىندار مەن كورشىلەر بىرگە داميتىن جاڭا ٴادىس جونىندە ىزدەنىس جاساپ، ٴار ەلدى باقىتقا كەنەلتەتىن، دۇنيە جۇزىنە تيىمدىلىك جاسايتىن باقىت جولىن اشتى. ٴتوراعا شي جينپيڭ 3 ـ كەزەكتى ”ٴبىر بەلدەۋ، ٴبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنىڭ اشىلۋ سالتىندا ”ٴبىر بەلدەۋ، ٴبىر جولدى“ جوعارى ساپالى بىرگە قۇرۋدى قولداۋدىڭ 8 ٴتۇرلى ارەكەتىن العا قويدى، جۇڭگو جاق وسى نەگىزدە، ٴار جاقپەن اناعۇرلىم تەرەڭ قاتپارلى اۋىس ـ كۇيىس جاساۋدى، ٴتۇيىلىسۋدى كۇشەيتىپ، اشىق، ٴوزارا ٴتيىمدى ەكونوميكا ـ ساۋدا قارىم ـ قاتىناسىن كەڭەيتىپ، اناعۇرلىم جوعارى دەڭگەيدەگى ۇلاستىرۋ، تۇتاستىرۋ تورىن قۇرىپ، اناعۇرلىم ومىرشەڭدىك كۇشكە باي جاڭا سالالار سەلبەستىگىن ورىستەتىپ، اناعۇرلىم كەڭ تۇرعىداعى گۋمانيتارلىق اۋىس ـ كۇيىستى كۇشەيتىپ، ازيا _ ەۆروپا وڭىرىندە ”ٴبىر بەلدەۋ، ٴبىر جولدى“ جوعارى ساپالى بىرگە قۇرۋدىڭ ۇلگىسىن تۇلعالاۋدى قالايدى. جۇڭگو قازىر جۇڭگو ۇلگىسىندەگى وسىزامانداندىرۋدىڭ جاڭا جەتىستىگى ارقىلى دۇنيە ٴجۇزىن ۇزدىكسىز جاڭا ورايمەن قامداۋدا، ٴبىز ازيا _ ەۆروپا ەلدەرىمەن ستراتەگيالىق ٴتۇيىلىسۋدى كۇشەيتىپ، وڭىرلىك سەلبەستىكتى تەرەڭدەتىپ، ازيا _ ەۆروپا سەلبەستىگىنىڭ جاڭا جاعدايىن قول ۇستاسا اشۋدى شىن نيەتپەن ٴۇمىت ەتەمىز.
ا. جاپاروۆ مىنالاردى ٴبىلدىردى: جۇڭگو قىرعىزستاننىڭ باستى ەكونوميكا ـ ساۋدا سەرىكتەرىنىڭ بىرىنە اينالدى. قىرعىزستان _ جۇڭگو ەكى ەل حالقىنىڭ دوستىعى _ ەكى جاقتىڭ سەلبەستىكتى ۇزدىكسىز كۇشەيتۋىنىڭ جانە كەڭەيتۋىنىڭ ماڭىزدى نەگىزى. شينجياڭ جىبەك جولى ەكونوميكالىق بەلدەۋى قۇرىلىسىندا ماڭىزدى رول اتقارۋدا، ول جۇڭگونىڭ ەڭ ومىرشەڭدىك كۇشكە يە وڭىرلەرىنىڭ ٴبىرى. قىرعىزستان جاق جۇڭگومەن، اسىرەسە، جۇڭگو شينجياڭىمەن ەكونوميكا جانە مادەنيەت بايلانىسىن ونان ارى كۇشەيتىپ، ەنەرگيا ـ سۋ يگىلىگى، مادەنيەت ـ ساياحات، قاتىناس ـ زات اينالىمى سياقتى سالالارداعى قارجى قوسۋ سەلبەستىگىن بىرگە ىلگەرىلەتىپ، ساۋدا، قارجى قوسۋ جانە تەحنيكا سەلبەستىگىن بەلسەنە كەڭەيتىپ، ساۋدا مولشەرىن قۇلشىنا ارتتىرىپ، بار كۇشىن سالا قارجى باۋراپ، وسى زامانعى تەحنيكانى جەدەل دامىتادى. كەزەكتە قىرعىزستاننىڭ ەكونوميكاسى ٴۇرتىس، ورنىقتى دامىپ كەلەدى، قازىر شەتەل كاسىپورىندارى مەن قارجى قوسۋشىلارعا تاماشا قارجى قوسۋ جانە ساۋدا ورتاسىن جاراتۋعا قۇلشىنۋدا. ٴبىزدىڭ ورتاق قۇلشىنۋىمىزدا ەكى جاقتىڭ دوستىق سەلبەستىگىنىڭ جاڭا بيىككە كوتەرىلەتىندىگىنە سەنەمىن.
اريپوۆ مىنالاردى ٴبىلدىردى: وزبەكستاننىڭ جۇڭگومەن قارىم ـ قاتىناسى ۇزدىكسىز كۇشەيىپ ٴارى جاڭا داۋىردەگى بارلىق جاعدايدا بىردەي جالپى بەتتىك ستراتەگيالىق سەرىكتەستىك قارىم ـ قاتىناس دەڭگەيىنە كوتەرىلىپ، تاتۋ كورشىنىڭ، دوستىقتىڭ تيپتىك ۇلگىسىنە اينالدى. جۇڭگو _ وزبەكستاننىڭ ەڭ ۇلكەن ساۋدا سەرىگى، ەكى جاق ەنەرگيا، حيميا ونەركاسىبى، مەحانيكالىق ينجەنەريا، توقىما بۇيىمدارى، قۇرىلىس ماتەريالدارى، ٴۇي ەلەكتر جابدىقتارى، ەمدەۋ اسپاپتارى جانە اۋىل شارۋاشىلىعى ونىمدەرى سياقتى سالالاردا كوپتەگەن سەلبەستىك نىساندارىن اتقاردى. ”ٴبىر بەلدەۋ، ٴبىر جول“ باستاماسى جۇلگەسىندە ٴبىز قازىر وسى وڭىردەگى ەلدەر جونىنەن ستراتەگيالىق مانگە يە جۇڭگو _ قىرعىزستان _ وزبەكستان تەمىر جولىن سالىپ جاتىرمىز. كەزەكتە وزبەكستان مەن جۇڭگونىڭ جەرگىلىكتى ورىندار ارا ناقتى ىستەر سەلبەستىگى ٴۇرتىس قارىشتاپ دامۋدا، 8 ـ كەزەكتى جۇڭگو _ ازيا _ ەۆروپا كورمەسى ەكى ەلدىڭ ەكونوميكا ـ ساۋداسىن جاڭا دەڭگەيگە كوتەرۋ جونىنەن ايرىقشا ماڭىزدى سانالادى. ٴار ەلدىڭ وسى تۇعىردان پايدالانىپ، دامۋ كومەسكى كۇشتەرىن تولىق ايگىلەپ، شەتەل قارجىسىن ٴونىمدى باۋراپ، اناعۇرلىم كوپ جارقىن بولاشاعى بار سەلبەستىك جاساسۋىن ٴۇمىت ەتەمىن.
حوليكزودا مىنالاردى ٴبىلدىردى: ازيا _ ەۆروپا ٴوڭىرى ٴوزارا پايدا جەتكىزۋ سەلبەستىگىن ورىستەتەتىن اسا زور ورايعا يە، ”ٴبىر بەلدەۋ، ٴبىر جول“ باستاماسى وڭىرلەردىڭ ەكونوميكا ـ ساۋدا سەلبەستىگىنە جاڭا ٴورىس اشتى. تاجىكستاننىڭ جۇڭگومەن قارىم ـ قاتىناسى ٴوزارا پايدا جەتكىزۋ سەلبەستىگى نەگىزىندە ۇزدىكسىز جوعارىلادى، جۇڭگو _ ورتا ازيا مەحانيزمى ەكى ەلدىڭ قارىم ـ قاتىناسىن دامىتۋعا اناعۇرلىم جارقىن بولاشاق جاراتتى. جۇڭگو _ ازيا _ ەۆروپا كورمەسى _ يدەيالىق اۋىس ـ كۇيىس جاسايتىن، سەلبەستىك ورناتاتىن، دوستىق قارىم ـ قاتىناستى كۇشەيتەتىن ماڭىزدى تۇعىر، ول ٴوڭىردىڭ ەكونوميكا ـ ساۋدا سەلبەستىگىن جەبەۋدە ماڭىزدى رول اتقارۋدا. تاجىكستاننىڭ سۋ ەلەكترى، فوتوۆولت سياقتى تازا ەنەرگيانى دامىتۋ جانە مەتال قورىتۋ، حيميا ونەركاسىبى، قۇرىلىس، سونداي ـ اق اۋىل شارۋاشىلىعى ونىمدەرىن ٴوندىرۋ، وڭدەۋ جاقتارىنداعى كومەسكى كۇشى اسا زور، وسى رەتكى كورمە ارقىلى جاڭا سەلبەستىك جەتىستىكتەرىنە كەلىسىپ، تاجىكستان مەن جۇڭگونىڭ ٴوزارا پايدا جەتكىزۋ سەلبەستىك قارىم ـ قاتىناسىنىڭ ونان ارى دامۋىنا نەگىز قالاۋدى ٴۇمىت ەتەمىن.
جۇمانعارين مىنالاردى ٴبىلدىردى: جۇڭگو _ ازيا _ ەۆروپا كورمەسى ورتا ازياداعى ەلدەردىڭ ەكونوميكا ـ ساۋدا سالاسىنداعى ماڭىزدى قيمىلدارىنىڭ بىرىنە اينالدى. وسى كەزەكتى كورمەنىڭ نەگىزگى تاقىرىبى بولعان ”جىبەك جولىنىڭ جاڭا ورايى، ازيا _ ەۆروپانىڭ جاڭا ومىرشەڭدىگى” “ٴبىر بەلدەۋ، ٴبىر جول“ باستاماسىنىڭ ەكىنشى 10 جىلىنىڭ باستالۋ ساتىندە، ازيا _ ەۆروپا ەلدەرىنىڭ ٴوزارا پايدا جەتكىزۋ سەلبەستىگىنىڭ اسا زور كومەسكى كۇشىن دالمە ـ ٴدال اڭىس ەتتى. كەزەكتەگى الەمدىك ساۋدا جاعدايى الدىندا، وڭىردەگى ەلدەر ساۋدا مەن ەكونوميكانىڭ ٴبىر تۇلعالانۋىن ٴۇرتىس كۇشەيتىپ، ساۋدا قامالىن جويۋ جونىندە ٴونىمدى كەڭەس وتكىزۋگە ٴتيىس. جۇڭگومەن سەلبەستىك جاساۋ قازاقستاننىڭ باياندى دامۋىنداعى ماڭىزدى فاكتور. ەكى ەل مەملەكەت باسشىلارىنىڭ جەتەكشىلىگىندە، قولداۋىندا، جۇڭگو _ قازاقستان قارىم ـ قاتىناسىنىڭ جاڭا ”التىن 30 جىلى“ شىت جاڭا پاراعىن اشىپ، ەكى جاقتى ەكونوميكا ـ ساۋدا قارىم ـ قاتىناسىن تەرەڭدەتۋ جاڭا بولاشاق پەن ورايعا ٴدوپ كەلدى. جۇڭگو _ ازيا _ ەۆروپا كورمەسى ەكى ەل ساۋداسىنىڭ باياندى ارتۋىنا، جاڭا ارتۋ تۇيىندەرىن سومداۋعا ماڭىزدى ۇلەس قوساتىن بولادى.
ۆەنگريانىڭ سىرتقى ىستەر جانە سىرتقا باعىتتالعان ەكونوميكا مينيسترلىگىنىڭ مينيسترى سيجارتو قۇتتىقتاۋ حاتىن جولداپ، 8 ـ كەزەكتى جۇڭگو_ ازيا _ ەۆروپا كورمەسىنىڭ تولىق تابىستى بولۋىنا تىلەكتەستىك ٴبىلدىردى.
بىرلەسكەن مەملەكەتتەر ۇيىمىنىڭ بۇرىنعى ورىنباسار باس حاتشىسى، ەۆروپا وداعى _ ازيا ورتالىعىنىڭ ٴتوراعاسى ەريك سولحەيم، بىرلەسكەن مەملەكەتتەر ۇيىمىنىڭ بۇرىنعى ورىنباسار باس حاتشىسى فابريزيو حوكشەرد، جۇڭگو ساۋدا ىستەرى مينيسترلىگىنىڭ ورىنباسار مينيسترى شىڭ چيۋپيڭ، بەيجيڭ قالالىق ۇكىمەت پارتيا باسشىلىق گرۋپپاسىنىڭ مۇشەسى سۇي جىنجياڭ، شاندۇڭ ولكەسىنىڭ ورىنباسار ولكە باستىعى سۇڭ جۇنجي، سىچۋان ولكەسىنىڭ ورىنباسار ولكە باستىعى زو يۇڭشياڭ ىلگەرىندى ـ كەيىندى ارناۋ ٴسوز سويلەپ، 8 ـ كەزەكتى جۇڭگو _ ازيا _ ەۆروپا كورمەسىنىڭ اشىلعاندىعىن قۇتتىقتادى، ورتا ازياداعى ەلدەرمەن ناقتى ىستەر سەلبەستىگىن تەرەڭدەتۋ، شينجياڭمەن بىرگە يگىلىككە كەنەلەتىن دامۋ كەڭىستىگىن كەڭەيتۋ جونىندە بولاشاق جوسپارلارىن ورتاعا قويدى.
اشىلۋ سالتىنان بۇرىن، ما شيڭرۇي، ەركىن تۇنياز كورمەگە قاتىناسۋ ٴۇشىن شينجياڭعا كەلگەن مەملەكەتتىڭ مينيسترلىك ـ كوميتەتتەرى، ولكە، اۆتونوميالى رايون، توتە قاراستى قالالار جانە شياڭگاڭ ەرەكشە اكىمشىلىك رايونى، سونداي ـ اق ورتالىق كاسىپورىندارى سياقتى جاقتاردىڭ سيلى قوناقتارىمەن كەزدەستى.
كورمەدە سارايدىڭ اشىلۋ سالتى وتكىزىلدى، ما شيڭرۇي، گاۋ يۇنلۇڭ، ەركىن تۇنياز جۇڭگولىق، شەتەلدىك سيلى قوناقتارمەن بىرگە كورمە سارايىن اشتى، سونداي ـ اق سارايدى ارالادى.
قاتىستى ەلدەردىڭ مينيستر دارەجەلى سيلى قوناقتارى، جەرگىلىكتى ورىنداردىڭ اكىمشىلىك باستىقتارى، جۇڭگودا تۇراتىن ەلشىلەر، قاتىستى حالىقارالىق ۇيىمداردىڭ ۋاكىلدەرى، شەتەلدىڭ ايگىلى كاسىپورىندارى مەن ساۋدا قوعامدارىنىڭ جاۋاپتىلارى، سونداي ـ اق مامان ـ وقىمىستىلار قاتىستى قيمىلدارعا قاتىناستى.
سىرتقى ىستەر مينيسترلىگىنىڭ، ساۋدا ىستەرى مينيسترلىگىنىڭ، تۇرعىن ٴۇي جانە قالا، اۋىل قۇرىلىسى مينيسترلىگىنىڭ، جۇڭگو اۋا رايى مەكەمەسىنىڭ جانە مەملەكەتتىك ساۋدا ـ ونەركاسىپشىلەر بىرلەستىگىنىڭ، جۇڭگو حالىقارالىق ساۋدانى جەبەۋ كوميتەتىنىڭ، جۇڭگو ونەركاسىپ شارۋاشىلىعى بىرلەستىگىنىڭ قاتىستى باسشىلارى، حىبەيدىڭ، سانشيدىڭ، ىشكى موڭعۇلدىڭ، لياۋنيڭنىڭ، جيليننىڭ، حيلۇڭجياڭنىڭ، جياڭسۋدىڭ، فۋجياننىڭ، جياڭشيدىڭ، حىناننىڭ، گۋاڭدۇڭنىڭ، حايناننىڭ، چۇڭچيڭنىڭ، يۇنناننىڭ، شيزاڭنىڭ، گانسۋدىڭ، چيڭحايدىڭ، نيڭشيانىڭ جانە شي ـ ان قالاسىنىڭ، شىنجىن قالاسىنىڭ قاتىستى باسشىلارى، اۆتونوميالى رايوننىڭ جانە بيڭتۋاننىڭ قاتىستى باسشىلارى، جۇڭگو عارىش عىلىم ـ تەحنيكا توبى، جۇڭگو اۆياتسيا ونەركاسىپ توبى، گۋاڭدا توبى، دۇڭفىڭ اۆتوموبيل توبى، مەملەكەت قۇبىر تورى توبى، دۇڭفاڭ ەلەكتر توبى، جۇڭگو حيميا ينجەنەريا توبى، جۇڭگو تەمىر جول قۇرىلىسى جارنا شەكتى سەرىكتەستىگى، جۇڭمەي توبى، جۇڭگو قۇرىلىس توبى، جۇڭگو ماشينا حالىقارالىق سەلبەستىك جارنا شەكتى سەرىكتەستىگى سياقتى ورتالىق كاسىپورىندارىنداعى جاۋاپتى جولداستار قيمىلعا قاتىناستى.
