انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 6 ـ ايدىڭ 26 ـ كۇنى ۇرىمجىدەن حابارلايدى. 6 ـ ايدىڭ 26 ـ كۇنى تۇستەن بۇرىن 8 ـ كەزەكتى جۇڭگو _ ازيا _ ەۆروپا كورمەسىنىڭ اشىلۋ سالتى اياقتاعاننان كەيىن اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ٴتوراعاسى ەركىن تۇنياز شينجياڭ حالىقارالىق ٴماجىلىس ـ كورمە ورتالىعىندا كورمەگە قاتىناسقان شەتەلدىڭ ٴىشىنارا مينيستر دارەجەلى سيلى قوناقتارىمەن، جەرگىلىكتى اكىمشىلىك مانساپتىلارىمەن جانە قاتىستى ەلدەردىڭ جۇڭگودا تۇراتىن ەلشىلەرىمەن، حالىقارالىق ۇيىمداردىڭ ۋاكىلدەرىمەن، ت. ب توپتىق كەزدەستى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل، اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى، ٴۇرىمجى قالالىق پارتكومنىڭ شۋجيى حى جۇڭيوۋ، اۆتونوميالى رايوندىق پارتكومنىڭ ورىنباسار شۋجيى جاڭ جۋ كەزدەسۋگە قاتىناستى.
ما شيڭرۇي جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتى جانە اۆتونوميالى رايوندىق حالىق ۇكىمەتى اتىنان سيلى قوناقتاردىڭ 8 ـ كەزەكتى جۇڭگو _ ازيا _ ەۆروپا كورمەسىنە قاتىناسقاندارىن قىزۋ قارسى الدى. ما شيڭرۇي مىنالاردى ٴبىلدىردى: ٴتوراعا شي جينپيڭ مەن جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، جۇڭگو جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋدە. جۇڭگونىڭ جاپپاي سوتسياليستىك وسىزاماندانعان قۇدىرەتتى ەل قۇرۋى جۇڭگو حالىقىنا باقىت جاراتىپ قانا قويماي، دۇنيە جۇزىنە دە اناعۇرلىم كوپ وراي سيلايدى. شينجياڭ _ جۇڭگونىڭ سىرتقا ەسىك اشۋىنىڭ الدىڭعى شەپ تەرەزەسى. ٴبىز جاڭا داۋىردەگى جۇڭگو كوممۋنيستىك پارتياسىنىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، دامۋ مەن حاۋىپسىزدىكتى، ەسىك اشۋ مەن ورنىقتىلىقتى ٴبىر تۇتاس جوسپارلاپ، نازاردى ازيا _ ەۆروپا التىن ارناسىن جانە جۇڭگونىڭ باتىسقا ەسىك اشۋىنىڭ الدىڭعى شەبىن تۇلعالاۋعا شوعىرلاندىرىپ، جوعارى دەڭگەيدەگى سىرتقا ەسىك اشۋدى كۇش سالا ىلگەرىلەتىپ، ورتا ازيا سياقتى توڭىرەكتەگى ەلدەرمەن جان ـ جاقتى، كوپ ساتىلى، كەڭ سالالى سەلبەستىكتى جاپپاي تەرەڭدەتىپ، ”ٴبىر بەلدەۋ، ٴبىر جولدى“ جوعارى ساپامەن بىرگە قۇرۋعا ۇزدىكسىز جاڭا قوزعاۋشى كۇش، جاڭا ومىرشەڭدىك ۇستەيمىز. كۇن سايىن كۇردەلىلەسكەن حالىقارالىق ورتاعا جانە وڭىرلىك جاعدايعا مەڭزەس، ۇلاستىرۋدى، تۇتاستىرۋدى كۇشەيتۋ، اۋىس ـ كۇيىس، سەلبەستىك جاساسۋدى كەڭەيتۋ بارعان سايىن تاراپتار دامۋىنىڭ تابيعي تالعامىنا اينالدى. قازىر جۇڭگو شينجياڭىنىڭ دامۋ قوزعاۋشى قۋاتى تاسقىنداپ، بارعان سايىن اشىق، سەنىمدى بولدى، ٴار ەلمەن ٴوزارا تيىمدىلىك جەتكىزۋ سەلبەستىگىن تەرەڭدەتۋىنىڭ كومەسكى كۇشى زور، بولاشاعى جارقىن. وسى كەزەكتى جۇڭگو _ ازيا _ ەۆروپا كورمەسىنەن پايدالانىپ، ٴار ەلدىڭ جەرگىلىكتى ورىندارىمەن جان ـ جاقتى اۋىس ـ كۇيىس، سەلبەستىك جاساسۋدى اناعۇرلىم كۇشەيتىپ، اناعۇرلىم كوپ ناقتى ىستەر جەتىستىكتەرى ارقىلى حالىققا باقىت جاراتۋدى ٴۇمىت ەتەمىن.
ٴىشىنارا شەتەلدىك سيلى قوناقتار ٴسوز سويلەپ، 8 ـ كەزەكتى جۇڭگو _ ازيا _ ەۆروپا كورمەسىنىڭ وڭىرلىك سەلبەستىكتى ىلگەرىلەتۋ بارىسىنداعى بەلسەندى رولىن جوعارى باعالاپ، ٴار ەلدىڭ جۇڭگومەن، اسىرەسە، جۇڭگو شينجياڭىمەن ناقتى ىستەر سەلبەستىگىن تەرەڭدەتۋ جونىندە كوزقاراستارىن ٴبىلدىرىپ، ۇسىنىس قويدى.
رەسەي تاتارستان رەسپۋبليكاسىنىڭ اكىمشىلىك ٴمانساپتىسى رۇستام ميننيحانوۆ مىنالاردى ٴبىلدىردى: تاتارستان رەسپۋبليكاسى قۇلشىنا ٴوز ٴىس جۇزىندىگىن شىعار ٴتۇيىن ەتىپ، ۇزدىكسىز دامىعان جۇڭگو _ رەسەي قارىم ـ قاتىناسىنا ۇلەس قوسادى. وسى رەتكى قيمىل ارقىلى جاڭا ٴوزارا تيىمدىلىك جەتكىزۋدى، سەلبەستىكتى جۇزەگە اسىرادى، سونىمەن بىرگە، جۇڭگونىڭ شينجياڭىمەن جانە ازيا _ ەۆروپا ۇلى قۇرلىعىنداعى ەلدەرمەن دوستىق سەلبەستىك قارىم ـ قاتىناستى اناعۇرلىم كۇشەيتۋدى ٴۇمىت ەتەمىن.
بەلورۋسسيا اۋىل شارۋاشىلىعى جانە ازىق ـ تۇلىك مينيسترلىگىنىڭ مينيسترى بارتوز سەرگەي مىنالاردى ٴبىلدىردى: جۇڭگو _ ازيا _ ەۆروپا كورمەسى ازيا ـ ەۆروپا ٴوڭىرىنىڭ سەلبەستىكتى كۇشەيتۋىنىڭ ٴتۇيىندى بەتالىسىن ونان ارى ايقىن كورسەتتى، جۇڭگونى قامتىعان ازيا _ ەۆروپا ەلدەرى بەلورۋسسيانىڭ ماڭىزدى سەلبەستىك سەرىگى. بەلورۋسسيا شاڭحاي سەلبەستىك ۇيىمى جۇلگەسىندە بيوتەحنيكا، اۋىل شارۋاشىلىق ونىمدەرىن ٴوندىرۋ، وڭدەۋ، وسىمدىك تۇقىمىن جەتىلدىرۋ، جاڭاشا ەگىن، مال شارۋاشىلىق ماشينالارى جانە سيفرلى دامۋ سياقتى مازمۇنداردى ارقاۋ ەتىپ، ٴار ەلمەن ٴوزارا پايدا جەتكىزۋ، ٴوزارا تيىمدىلىك جاساۋ سەلبەستىگىن بەلسەنە ورىستەتەدى.
شاڭحاي سەلبەستىك ۇيىمىنىڭ باس حاتشىسى جاڭ ميڭ مىنالاردى ٴبىلدىردى: شينجياڭنىڭ ەكونوميكالىق، قوعامدىق دامۋىنىڭ مىعىم ومىرشەڭدىگى جۇڭگو _ ازيا _ ەۆروپا كورمەسى ارقىلى ازيا _ ەۆروپا ەلدەرىنە انىق جەتكىزىلدى. شينجياڭ _ جۇڭگونىڭ ازيا _ ەۆروپا ۇلى قۇرلىعىنا ەسىك اشۋداعى باتىس قاقپاسى، شاڭحاي سەلبەستىك ۇيىمى جۇلگەسىندەگى ٴتۇرلى سالالارداعى سەلبەستىكتە ماڭىزدى رول اتقارىپ كەلەدى. شينجياڭنىڭ بولاشاق دامۋدا شاڭحاي سەلبەستىك ۇيىمىن ماڭىزدى سۇيەنىش ەتىپ، ٴار ەلمەن نەگىزدىك قۇرىلعىلاردى ۇلاستىرۋ، تۇتاستىرۋ، اۋىل شارۋاشىلىعىن دامىتۋ جانە استىق حاۋىپسىزدىگى، گۋمانيتارلىق ىستەر، ساياحات سياقتى سالالارداعى اۋىس ـ كۇيىستى، سەلبەستىكتى ۇزدىكسىز كۇشەيتىپ، اناعۇرلىم ۇلكەن دامۋدى قول ۇستاسا جۇزەگە اسىرۋىن ٴۇمىت ەتەمىن.
مالايزيا ساياحات، كوركەمونەر جانە مادەنيەت مينيسترلىگىنىڭ ورىنباسار مينيسترى كەيلو فيرديس اباكحان مىنالاردى ٴبىلدىردى: بيىل مالايزيا مەن جۇڭگونىڭ ديپلوماتيالىق قارىم ـ قاتىناس ورناتقاندىعىنىڭ 50 جىلدىعى، سونداي ـ اق مالايزيا _ جۇڭگو دوستىق جىلى، ەكى ەل الدەقاشان كوپ ٴتۇرلى مادەنيەت اۋىس ـ كۇيىس قيمىلىن ورىستەتتى. وسى رەتكى جۇڭگو _ ازيا _ ەۆروپا كورمەسىنەن پايدالانىپ، ەكى ەل اراسىنداعى مادەنيەت اۋىس ـ كۇيىسىن اناعۇرلىم كۇشەيتۋدى ٴۇمىت ەتەمىن.
يراننىڭ جۇڭگودا تۇراتىن باس ەلشىسى باحتيار مىنالاردى ٴبىلدىردى: جۇڭگونىڭ شينجياڭى ”ٴبىر بەلدەۋ، ٴبىر جولدى“ بىرگە قۇرۋدا كورنەكتى رول ساۋلەلەندىرىپ كەلەدى، يران شينجياڭمەن سەلبەستىكتى كۇشەيتۋگە ايرىقشا ٴمان بەرىپ، وڭىرلىك سەلبەستىكتى دامىتۋ ۇردىسىندە ۇزدىكسىز بەلسەندى قادام تاستاپ كەلەدى. جۇڭگو _ ازيا _ ەۆروپا كورمەسى تابىستى بولعان گۋمانيتارلىق اۋىس ـ كۇيىس، شەكارا اتتاعان ساۋدا، قارجى قوسۋ تۇعىرى، اۋىس ـ كۇيىس، سەلبەستىك جاساسۋعا بەلسەنە قاتىسىپ، ”ٴبىر بەلدەۋ، ٴبىر جول“ باستاماسىنىڭ تياناقتاندىرىلۋىن جەبەۋدى قالايمىز. تاراپتاردىڭ مادەنيەت اۋىس ـ كۇيىسىن قۇلشىنا جەبەۋىن، ساۋدا بايلانىسىن كۇشەيتۋىن، ورتانىڭ سىن ـ سايىستارىنا بىرگە توتەپ بەرۋىن، حاۋىپسىزدىك تىلدەسۋىن كۇشەيتۋىن ٴۇمىت ەتەمىن.
اراب ەلدەرى وداعىنىڭ جۇڭگودا تۇراتىن ۋاكىلدىك باسقارماسىنىڭ مەڭگەرۋشىسى فاھيمي مىنالاردى ٴبىلدىردى: شىعىس پەن باتىستى تۇتاستىرعان جىبەك جولىنىڭ تاريحى ۇزاق، ەجەلدەن اۋىس ـ كۇيىس پەن سەلبەستىكتىڭ سيمۆولى. جۇڭگو _ ازيا _ ەۆروپا كورمەسىنىڭ ٴۇرتىس تابىسپەن وتكىزىلۋى ٴار ەلدىڭ اۋىس ـ كۇيىستى، سەلبەستىكتى كۇشەيتۋ، گۇلدەنىپ ـ كوركەيۋدى، دامۋدى جەبەۋ ورتاق بولاشاعىن بەينەلەدى. ٴار ەلدىڭ بىرگە قۇلشىنىپ، ساياساتتى سايكەستىرۋدى كۇشەيتىپ، نەگىزدىك قۇرىلعىلاردى جاقسارتىپ، ساۋدانىڭ ەركىن ٴجۇرىلۋىن، قولايلىلاسۋىن جەبەپ، اناعۇرلىم سيىسىمدى، اناعۇرلىم باياندى دامۋدى قۇلشىنا جۇزەگە اسىرۋ كەرەك.
ۇلى بريتانيالىق دوس قايراتكەر كريستينا كوسترا مىنالاردى ٴبىلدىردى: وسى رەت جۇڭگو _ ازيا _ ەۆروپا كورمەسىنە قاتىناسىپ، شينجياڭنىڭ ادامدى قايران قالدىرارلىقتاي دامۋ تابىستارىنا كۋا بولدىم، بۇل جۇڭگونىڭ گۇلدەنگەندىگىن، دامىعاندىعىن پارمەندى دالەلدەدى، جۇڭگو كوممۋنيستىك پارتياسىنىڭ ۇلتتار ىنتىماعىن، جاراسىمدىلىعىن جەبەۋ، حالىقتىڭ تۇرمىس دەڭگەيىن جوعارىلاتۋ جەتىستىگىن تولىق ايگىلەدى. حالىقتىڭ اناعۇرلىم كوپ باقىت سەزىمى مەن تابىس سەزىمىنە يە بولۋى ٴار ەل ساياسي پارتيالارىنىڭ قۇلشىنىس نىساناسى بولۋعا ٴتيىس. وسى جولعى ساپارىمدا كورگەن ـ بىلگەندەرىمدى بەلسەنە ٴبولىسىپ، ٴتىپتى دە كوپ ادامنىڭ جۇڭگونىڭ شينجياڭى جونىندەگى وتىرىك سوزدەردى، ساندىراقتاردى ايقىن تانۋىنا كومەكتەسەمىن.
سومالي سىرتقى ىستەر مينيسترلىگىنىڭ تۇراقتى باس حاتشىسى حاردوۆا مىنالاردى ٴبىلدىردى: جۇڭگو _ ازيا _ ەۆروپا كورمەسى جۇڭگو شينجياڭىنىڭ سەلبەستىكتى، دامۋدى بەلسەنە ىلگەرىلەتۋ جاعىندا قاجىماي ـ تالماي جاساعان قۇلشىنىسىن جانە جارقىن بولاشاعىن ايگىلەدى. سەلبەستىكتى اناعۇرلىم كۇشەيتىپ، دوستىقتى بەكەمدەپ، ٴتىپتى دە كوركەم ارماندى بىرگە جۇزەگە اسىرۋدى ٴۇمىت ەتەمىن.
چىن ۋيجۇن، ۋاڭ جيانشين، قادەن كابەن، سۇن حۇڭمەي كەزدەسۋگە قاتىناستى.
