انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 6 ـ ايدىڭ 26 ـ كۇنى ۇرىمجىدەن حابارلايدى. 6 ـ ايدىڭ 26 ـ كۇنى اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ٴتوراعاسى ەركىن تۇنياز 8 ـ كەزەكتى جۇڭگو _ ازيا _ ەۆروپا كورمەسى قيمىلىنا قاتىناسقان كەزدە، امەريكا كاليفورنيا شتاتى بارستوۋ قالاسىنىڭ قالا باستىعى پاۋەل كۋرتەناي باستاعان امەريكا _ جۇڭگو ەلەكتروندى ساۋدا ۋاكىلدەر ۇيىرمەسىندەگىلەرمەن كەزدەستى.
ما شيڭرۇي بىلاي دەدى: كوپشىلىكپەن كەزدەسكەنىمىنە توتەنشە قۋانىشتىمىن. كوپشىلىكتىڭ جۇڭگو _ ازيا _ ەۆروپا كورمەسىن تۇعىر ەتىپ، جۇڭگو شينجياڭىنا كەلىپ تەكسەرۋ جۇرگىزىپ، اۋىس ـ كۇيىس جاساۋى، سەلبەستىكتى جەبەۋى كەلەلى ٴمان الادى، جۇڭگو مەن جۇڭگونىڭ شينجياڭى جونىندەگى تانىمدى ارتتىرۋعا، ەكى جاقتىڭ تەڭ يگىلىككە كەنەلۋىن، دامۋىن ىلگەرىلەتۋگە ٴتيىمدى. قازىرگى جۇڭگونىڭ شينجياڭى اشىق شينجياڭ، سەنىمدى شينجياڭ. ٴبىز ٴتوراعا شي جينپيڭ مەن جۇڭگو كوممۋنيستىك پارتياسى ورتالىق كوميتەتى شينجياڭعا بەلگىلەپ بەرگەن ستراتەگيالىق ورىندى مىقتاپ يگەرىپ، جوعارى دەڭگەيدەگى سىرتقا ەسىك اشۋدى جەدەل ىلگەرىلەتىپ، ازيا _ ەۆروپا التىن ارناسى مەن جۇڭگونىڭ باتىسقا ەسىك اشۋىنىڭ الدىڭعى شەبىن تۇلعالاۋ بارىسىندا، دۇنيە جۇزىندەگى ەلدەرمەن، وڭىرلەرمەن اۋىس ـ كۇيىستى، سەلبەستىكتى ۇزدىكسىز ىلگەرىلەتىپ كەلەمىز. جۇڭگو شينجياڭىنىڭ دامۋى مەن ەسىكتى اشىق ۇستاۋى كوپكە ٴمالىم، امەريكا مەن باتسىتاعى ٴىشىنارا ەلدەردىڭ ايىپتاۋى مەن جازالاۋىنىڭ ەش فاكت نەگىزى جوق. كوز الدا دۇنيە ٴجۇزى ەكونوميكاسىنىڭ ارتۋى كوپتەگەن سىن ـ سايىستارعا ٴدوپ كەلىپ وتىر، ەسىك اشىپ، سەلبەسۋگە تاباندى بولعاندا عانا، ٴتىپتى دە جاقسى دامۋدى جۇزەگە اسىرۋعا بولادى. جاپپاي ەسىك اشۋ جۇڭگو شينجياڭىنىڭ دامۋدا، ٴسوزسىز، باسىپ وتەتىن جولى بولىپ قانا قويماي، دۇنيە جۇزىندەگى ەلدەردىڭ كاسىپورىندارىنا دا اناعۇرلىم كوپ وراي سيلاپ وتىر. كوپشىلىكتىڭ شينجياڭدى كوبىرەك ارالاپ، كورىپ، جۇڭگو شينجياڭى جونىندەگى تۇسىنىكتى جانە دۇرىس تانىمدى تەرەڭدەتىپ، شينجياڭنىڭ ەنەرگيا بايلىعى، مادەنيەت ـ ساياحات سياقتى جاقتارداعى باسىمدىعىن ارقاۋ ەتىپ، ٴتىپتى دە كوپ مۇددە سايكەسۋ ٴتۇيىنىن تاۋىپ، جۇڭگو شينجياڭىندا جاڭا ٴورىس اشىپ، جاڭا دامۋدى جۇزەگە اسىرۋعا قۇلشىنۋىن ٴۇمىت ەتەمىن.
پاۋەل كۋرتەناي جۇڭگونىڭ شينجياڭىمەن اۋىس ـ كۇيسىتى، سەلبەستىكتى كۇشەيتۋ جونىندەگى بەلسەندى نيەتىن ٴبىلدىردى. ۋاكىلدەر ۇيىرمەسىنىڭ مۇشەلەرى ىركەس ـ تىركەس ٴسوز كەزەگىن الىپ، حالىقتىق اۋىس ـ كۇيىستىڭ جۇڭگو مەن امەريكا اۋىس ـ كۇيىسىنىڭ ىرگە تاسى ەكەندىگىن، وزدەرى تۇرعان كاسىپورىننىڭ جانە ساۋدا قوعامىنىڭ رولىن ساۋلەلەندىرىپ، جۇڭگو شينجياڭىمەن دوستىق اۋىس ـ كۇيىستى جانە ٴوزارا تيىمدىلىك جەتكىزۋ سەلبەستىگىن جەبەپ، جۇڭگو مەن امەريكا اراسىندا ٴتىپتى دە كوپ تۇسىنىستىك، سەلبەستىك كوپىرىن سالاتىندىقتارىن، سونىمەن بىرگە جۇڭگونىڭ شينجياڭىندا شىنايى كورگەن ـ بىلگەندەرىن ٴتىپتى دە كوپ ادامدارمەن بولىسەتىندىكتەرىن ٴبىلدىردى.
چىن ۋيجۇن، قادەن كابەن كەزدەسۋگە قاتىناستى.
